CLAMENÇ 2019 : ZO MAI !…

Aprèp son Òc-limpià de 2018, Clamenç, capèl negre sul cap, tòrna sus scèna, una saca sus l’espalla, per son novèl espectacle : Zo mai ! formula que lo public es convidat a cridar per traire de la saca lo folard blau de Beneseta, l’eissarpa longa de Marcèl, e lo mocador roge marcat de la crotz occitana de Magalona, tres objèctes per destriar los personnatges que Clamenç interpreta en mai dau sieu. Los sketches se debanan, risolièrs de contunh.

Clamenç mescla òc e francés amb lo socit de se far comprene dau mond gaire acostumats a la lenga, e tanben de far parlar francés los parla-ponchuts que se’n creson e los òmes de poder que caricatura. Dins una critica que cèrca pas lo vitriòl, mas pasmens pron afustada per far venir la connivéncia amb lo public. Noirida qu’es de las endevenanças politicas de 2018.

Clamenç se trufa dels vegans e vegetalians, caga-prims estremistas que son ideologia ten per tòca de mudar tot fin gastronòme en Jan-fai-te-gras-as-aquí-un-cese ! Se trufa d’aqueles nòu-venguts qu’arriban dins los vilatges en conquistaires, e vòlon impausar que los cloquièrs s’arresten de picar las oras, que los gals s’arresten de cridar l’auba, que las cigalas arrèsten sas ressegas. Tan val ne rire que plorar… Ridiculiza – e aquí l’occitan es una arma eficaça – lo franglish de la French Tech Attitude, de la Start Up Nation, de l’innovacion numerica a totas las sauças que los mediàs ne son confles… Trumpet e las Fake News escapan pas a l’ironia de Clamenç, ni tanpauc los manipòlis jupiterians d’un Macron vist en Concorde volant a Mach 2 e somiant, coma un moisset, de trencar las arpas dels poletons, galinas e gals dau galinièr commun.

Far passar Macron de sa piscina en kit dau fòrt de Bregançon au rescontre improbable d’un radèu de migrants en Miegterrana, sol l’imaginari fantasierós de Clamenç pòt far aquel miracle, e lo rire solaça… Un dels moments mai jubilatòri s’endeven quora un Gilet Jaune a cort d’imaginacion demanda a una anciana de li ensenhar las formulas espelidas en Mai 68 que marquèron tota una generacion…

Coma cada espectacle de Clamenç, es totjorn un plaser de lenga, una lenga escullada coma una bona sopa montanhòla dins l’escudèla, un regal, amb sa lesca de saboral, per far enrabiar los vegans… Zo mai !

Joan-Guilhem Roqueta.

Un espèctacle de pas mancar !

S’es pas encara fach, anat bite veire l’espèctacle d’André Clamenç « ZO… Mai ! ».

Aimariat entendre la lenga de bòstres parents qu’abèt quáuque pauc oblidada ?

La tornarèt trobar tota bièlha e tota jobe, per nos parlar de nòstre monde, per nos embitar a pensar un páuc mai a çò que bibem, a çò de chaca jorn e a çò qu’es politica.

De monde rebenon bieure en campanha, mès es que sabon coma i si bieu, coma es de mòda d’i bieure ? Per podre endurar d’entendre los gals e las cigalas cantar, e las esquillas tintar, mès de que – z – es aquò ? Ente-z-es passat lo trobador Jaufre Rudèl : « Ai pas de chants ensenhadors… » el que boliè per musica tota, pas que lo cant dels aucèls. Mès coma abem perdut los pastres « que totjorn parlon de sonalhas » ?

Mas d’ente no ben nòstre gost per los espòrts a la mòda, « nèci que ròda… » Embe pas gaire de pelhetas e quáuques biaisses per i se téner A. Clamenç nos fai rire de la bida que bibem.

E lo fin pus fin, ben-segur, es per la politica. Aquí porieu lo prene per faire de creacieus literariás. Sabèt pas coma se ditz un « rond-point » dinc la lenga de bòstres grands ? L’òublidarèt pas après abèdre bist e escotat aquel espèctacle. Es ben brai aquò. La linha drecha es pas pus lo camin lo pus cort per anar d’un ponch a un ante.

Que seguem citoiens o menaires de boituras, los qu’organison nòstra societat e nòstras rotas, nos fáun birolejar per nos parar de n’altres, que dison, e puslèu, per si parar, eles, de nantes. Mès, graças a A. Clamenç sem un páuc mens « colhons », i besem mièlhs dinc lus jòc. E pièi, aquelas enganas son pas totas nòbas, mès lo biais de ni parlar de l’artista de la serada, el, es estat pro nòu e agradiu perque ni demandassiám mai. Anem : « Zo… Mai ! Sem pas sadols… Zo encara ! … Zo tornamai ! »

Nogardel, lo 30 de settembre de 2019

Eveline BRUC

Un capèl de largas alas, una saca sus l’espatla, quatre pelhas pels personages ; los elements totes del contaire sus l’empont.

Un nas de dalha pas picada, una mostacha de rastol, dos uèlhs pichòts de mandroseta, afirolats coma brandons al canton de la cleda.

Es pas un perdigal de la darnièra pluèja, lo Clamenç !

Una revista en règla de l’actualitat al pas de raïòla, que val plan mai qu’una serada als « Dos Ases »… mai se se parla del Olimpià !

Tot i passa ; dins una lenga naturala, de los que l’an chucada al brèç ; del cap de l’an fins a Nadal, en virant totes los vira-colhons del mond, vesem lispar tot çò que fa la nòstra vida vidanta : nòstres espers e nostre amarum…

Pas de bramadis ; tot en finessa ; tot en coquinaria, de las causas grèvas a las farivòlas.

Erem acostumats a mai de demonstracion « fisica » de la part de Clamenç… mas, erem joves, el tanben… Ara, per un còp, una mena nòva « d’intimisme » grèva pas res, al contrari, al jòc d’escena qu’es reglat coma de papièr-musica e encara mens al texte qu’i manca pas un buf !

Clamenç a pas cambiat. Es pas a las esperras ! Es totjorn a l’espera … e vos i espera !

Sant Joan de Gardonenca lo 29 de Setembre de 2019
Miquèl Decòr.

Aprèp lo passatge de « Clamenç » a l’Estivada de Rodès lo 20 de julhet de 2019

Tir au pigeon / Les chroniques de Jean Dessorty

Un solo d’humour en occitan accessible dans le cadre de l’Estivada, il n’y en a eu que très peu de la création de ce festival originellement orienté musique, c’était donc à un moment inhabituel que le public était convié hier en début d’après-midi à la M.J.C. de Rodez.

Devant une salle correctement remplie il déboule avec retard, galurin à l’ancienne sur la tête, chemise étonnamment bariolée, et gros baluchon sur l’épaule… seul élément de décor un énorme globe terrestre gonflable. Cet ancien conseiller pédagogique occitan venu du département voisin de Lozère, a changé de cap à l’heure de la retraite, et sous couvert d’un pseudo transparent, Clamenç s’astreint depuis à écrire et mettre en scène sur un rythme régulier: un spectacle par an pour, à sa manière, revisiter l’actualité. « Zo…Mai ! » (Alors… encore !) dernier en date ne déroge pas à la règle, dérouler une série de sketchs, dans tous les domaines pour parler de l’air du temps…

De son grand sac, il sort foulards et autres accessoires avec lesquels il se glisse dans la peau de divers personnages. On a ainsi droit à des tirades sur les végans forcément bobos en transe, l’incompréhension entre les habitants d’un petit village et les touristes venus de la ville qui ne supportent ni les coqs ni les cloches…

On y parle aussi coupe du monde de foot ou politique avec une place conséquente à notre Président jupitérien, de Donald hélas pas celui de Disney, de Roland-Garros, des ronds-points rebaptisés « vire-couillons » de la nostalgie de 68 ou des migrants qui se noient en Méditerranée au grand déplaisir des vacanciers alanguis sur les plages, des abus dans l’église… etc… etc…

Un large répertoire donc qui ne manque ni de répartie ni d’impertinence pour fustiger l’hypocrisie ici, la condescendance là… sa façon très personnelle d’appuyer là où çà fait mal, loin du consensus policé. On appréciera à sa juste valeur les digressions très justes sur le glissement sémantique du vocabulaire dans les médias notamment pour traiter des sujets à haut risque, ce qu’Albert Camus résumait d’une formule bien sentie « Mal nommer les choses c’est ajouter aux malheurs du monde ».

Dire que les séquences qui s’enchaînent sur un bon tempo sont toutes réussies serait mentir, il y en a de vraiment percutantes d’autres moins abouties… Rien de plus normal pour un show d’une heure et quart environ.

J. Dessorty